DE FEIRA EN FEIRA

O pasado sábado 8 de xuño tivemos traballo arreo no Club de Ciencia, xa que asistimos a dúas feiras científicas: a 6ª feira científica de Culleredo “Cullerciencia”, e a 1ª “Salnés Ciencia”, que se celebrou en Cambados.

A Cullerciencia acudimos con dúas experiencias:

• “Que se pode tirar polo váter?” 

Esta experiencia é o resultado dun traballo realizado por alumnado de 2º de ESO sobre o efecto dos diferentes tipos de papeis, toalliñas, etc na rede de sumidoiros. O traballo previo consistiu na busca de información referente á normativa sobre augas residuais e características dos produtos desbotables polos sumidoiros.

Como parte desta fase, asistimos a unha charla de José Vázquez Padín, do departamento de I+D de Aqualia:

Tamén fixemos unha visita a dúas das pequenas EDAR de Meis co técnico do Concello, Rodrigo Vázquez:

Na parte práctica partiamos da hipótese:

Só deberiamos botar polo váter aqueles produtos

fabricados para ese uso.

O Procedemento consistiu en encher un frasco 

de auga ata a súa metade, introducir a mostra 

que iamos investigar, tapar e axitar un número 

determinado de veces simulando o movemento

.da auga polo sumidoiro

Finalmente verter o contido do frasco nunha

torre de peneiras e analizar o que queda en

cada unha delas.

Os datos obtidos confirmaron a nosa hipótese,

con algunha pequena sorpresa...

•“O efecto da extracción da resina nos piñeiros”, galardoado co 3º premio no Galiciencia deste ano, cunha alumna de 4º ESO (Khadija) que participou no proxecto, apoiada por alumnado de 2º ESO.

As autoridades, entre elas o Conselleiro de Educación Román Rodríguez, pasaron pola nosa caseta, e saudaron ao equipo de científicos:

A Salnés Ciencia levamos:

• "Investigación sobre o tempo de xerminación de diferentes plantas hortícolas."

Este proxecto foi presentado no Salnés Ciencia por alumnado de 3º de primaria, dirixido pola súa profe Pilar González e polo profe de  Bioloxía Camilo Ojea.

• "Recollida e clasificación de lixo recollido nas praias

Esta é unha actividade que realizamos todos os anos, coa colaboración de diferentes entidades coma o Concello de Sanxenxo, o equipo de José Manuel Parada do Centro de Investigacións Mariñas (CIMA) de Corón, e últimamente con Annika Álvarez, cofundadora da asociación Limpiarousa.

A actividade, na que participa alumnado de 3º ESO ten como obxectivo a concienciación sobre a problemática da contaminación mariña, especialmente a referente aos plásticos. Empezamos con actividades de investigación no centro escolar e coa charla de especialistas na materia. Despois disto ven a visita ás praias, para a recollida de lixo. Continuamos no cole coa clasificación do lixo, que queda preparado para ser exposto.

Nesta ocasión Annika tamén estivo con nós na feira:

 

•“O efecto da extracción da resina nos piñeiros”. Como non podía ser de outro xeito, o noso proxecto premiado no Galiciencia deste ano tamén estivo en Cambados, neste caso representado por 3 alumnas de 4º ESO (Alba, Claudia e Mariña).

Con gañas de volver a participar o ano próximo